​Azərbaycanda insan hüquq və azadlıqlarının müdafiəsi, bu sahədə qabaqcıl beynəlxalq təcrübənin tətbiqi və mövcud hüquqi islahatlar beynəlxalq ombudsmanların iştirakı ilə keçirilən konfransın əsas müzakirə mövzusu olub.

​Tədbirdə çıxış edən mütəxəssislər və ombudsmanlar, Azərbaycanın bu sahədə atdığı addımları yüksək qiymətləndirib. Konfransda vurğulanıb ki, ölkəmizdə vətəndaşların hüquqlarının təmin olunması istiqamətində institusional mexanizmlərin təkmilləşdirilməsi dövlət siyasətinin mühüm tərkib hissəsidir.

​Azərbaycanda insan hüquqları sahəsində görülən işlər barədə məlumat verən natiqlər, xüsusilə vətəndaş cəmiyyəti institutları ilə əməkdaşlıq, hüquqi maarifləndirmə tədbirləri və ombudsman təsisatının rolunun gücləndirilməsinə diqqət çəkiblər. Qeyd olunub ki, rəqəmsallaşma dövründə insan hüquqlarının rəqəmsal müstəvidə qorunması, eləcə də həssas əhali qruplarının hüquqlarının müdafiəsi ölkənin gündəliyində duran əsas məsələlərdəndir.

​Konfransın sonunda iştirakçılar insan hüquqlarının müdafiəsi sahəsində beynəlxalq əməkdaşlığın genişləndirilməsinin vacibliyini qeyd edərək, təcrübə mübadiləsinin bu sahədəki problemlərin həllində effektiv rol oynayacağını bildiriblər.

Tədbir qarşılıqlı fikir mübadiləsi və gələcək əməkdaşlıq perspektivlərinin müzakirəsi ilə yekunlaşıb.